Alén Filmes ultima os preparativos da rodaxe de ´Afranio´, dirixido por Víctor Coyote
31-05-2008
Sen dúbida este vai a ser un dos proxectos estrela do audiovisual galego dos vindeiros anos. O documental dirixido por Victor Coyote é unha adaptación para a pantalla da autobiografía de Antón Alonso Ríos "O siñor Afranio, ou como me rispei das gadoupas da morte". Un dos materiais da literatura galega que máis interese suscitou para traducilo en imaxes.
O documental contará o periplo do deputado Alonso Ríos pola ribeira pontevedresa do Miño nos días inmediatamente posteriores ao golpe de estado do 36, os seus inútiles intentos de organizar a resistencia, e a fuxida ao monte cando é avisado de que andan na súa procura para executalo. Finalmente veremos como consigue cruzar a Portugal e fuxir á Arxentina.
Na construción da peza documental utilizaránse ficións e recreacións dos feitos do libro, nas que o actor Luis Tosar interpretará o papel do "siñor Afranio".
A rodaxe extenderáse ao longo do mes de xuño e visitará diferentes localidades da provincia de Pontevedra e norte de Portugal.
Fonte: www.axenciaaudiovisualgalega.org
0 comentarios:
Publicar un comentario